Ditën e sotme ministria e Shëndetësisë raportoi 16 raste të reja me koronavirus, duke e çuar në total, 475 numrin e të prekurve.
Ndërkohë, lajmi i mirë është se listës së personave të shëruar gjatë 24 orëve të fundit i janë shtuar edhe 16 pacientë të tjerë. Numri i përgjithshëm i personave që kanë fituar betejën me këtë sëmundje ka shkuar në 248.
Sot vihet re se numri i të shëruarve (248) është më shumë se gjysma e numrit total të të prekurve nga Covid-19, (475). Kështu numri i të shëruarve ka tejkaluar numrin e personave që janë aktualisht të sëmurë. Kjo tendencë e kalimit të numrit të të shëruarve ndaj atyre që janë ende mbartës të virusit ka vijuar prej tre ditësh.
Ndërkaq, fatkeqësisht 24 persona që kanë humbur betejën me këtë sëmundje.
Të prekur në total: 475
Të shëruar: 248
Të sëmurë aktualisht: 203
Të shtruar në spital: 46 pacientë
Infektivi: 37 pacientë, 5 në terapi intensive, 1 i intubuar
“Shefqet Ndroqi”: 9 pacientë , 7 në terapi intensive, 4 të intubuar
Viktima: 24
Shpërndarja gjeografike e rasteve pozitive:
– Tiranë 227 raste
– Durrës 42 raste
– Lushnje 6 raste
– Elbasan 15 raste
– Fier 32 raste
– Kavajë 8 raste
– Rrogozhinë 4 raste
– Korçë 17 raste
– Vlorë 5 raste
– Shkodër 71 raste
– Lezhë 14 raste
– Berat 2 rast
– Has 13 raste
– Krujë 6 raste
-Tropojë 4 raste
– Pukë 5 raste
– Mirditë 3 raste
– Kukës 1 rast
