Ministrja Elisa Spiropali sulmon ashpër zërat opozitarë kritikë ndaj veprimit të qeverisë për të dërguar në Itali 30 mjekë e infermierë.
Spiropali thotë se ata quhen “Luana e Petrita”, por janë “zvarranikë që me ligësira helmojnë shpirtin dhe mendjen e njerëzve”.
Spiropali kritikon Luan Ramën dhe disa opozitarë të tjerë që reaguan pas lajmit në disa media pranë PD-së se një prej infermierëve që shkoi në Itali është me profesion pompist.
“Është e pamundur heshtja kur tejkalohen edhe kufijtë e njerëzores me ligësira që helmojnë shpirtin. Por vesi del me shpirtin dhe disa specie të hatashme të faunës opozitare as sot nuk e qepenosin dot zgavrën e gabuar që kanë në vend të gojës.
Unë e di që janë shumë të mërzitur me mallëngjimit që përfshiu Italinë. Me përjashtim të disa zvaranikëve që krejt gabimitsht quhen luana e petrita”, thotë përmes një video-selfie Spiropali.