Kryeministri Edi Rama ka reaguar për herë të parë në lidhje me një dokument të Autoritetit të Dosjeve ku thuhet se një bashkëpunëtor me inicialet I.M është ish-Presidenti Ilir Meta.
Rama ka bërë një sqarim të gjatë ku tregon që drejtuesjen e Autoritetit të Informimit mbi Dosjet e ish-Sigurimit të Shtetit, Genta Sula e ka njohur pikërisht nga Ilir Meta.
“Kështu, me propozim të atij vetë dhe falë një CV-je realisht serioze, Genta Sula u bë kryetare e Autoritetit me votën e shumicës parlamentare të kohës.”- shkruan Rama.
Kryeministri bën të qartë se mes Ilir Metës dhe Autoritetit të Dosjeve në lidhje me identitetin e ish-sigurimsit, beson këtë të fundit.
Rama thotë gjithashtu se përmes ndryshimeve që janë propozuar në Kuvend për dosjet e ish-Sigurimit të Shtetit, do të bëhet e qartë identiteti I shtetasit I.M dhe shumë personazheve të tjerë sipas tij të fshehur pas hetimit që është bërë që në vitet 90’.
