Italia ka dhënë alarmin e kuq, pasi duke nisur nga dita e sotme dhe dy ditë në vazhdim do të goditet nga stuhia “Befana”.
Mediat italiane raportojnë se gjatë ditës së sotme janë ulur ndjeshëm temperaturat, ndërsa pritet që në orët në vijim të ketë reshje të dendura shiu në rajonin e Sardenjës, Toskanës dhe Piemontes.
Gjithashtu mediat raportojnë se në zonat në lartësi mbi 800 metra pritet të ketë stuhi bore si dhe erëra të forta që pritet të kapin shpejtësi të madhe.
Ndërkohë parashikohet që nga mëngjesi i së dielës cikloni “Befana” t’i drejtohet Adrioatikut ku do të prekë edhe disa vende të Ballkanit.
Parashikohet që gjatë ditës së diel në Shqipëri temperturat të zbresin në mënyrë drastike me 15 gradë, në të dyja ekstremet.
Ulja e temperaturave dhe i ftohti polar, sipas mediave fqinje, do të zgjasë tri ditë.
Ndërkohë si pasojë e shirave të dendur, Franca dhe Gjermania gjatë kësaj jave janë përballur me përmbytje në zonat veriore. Nga vala e të ftohtit janë prekur dhe vendet nordike, ku temperaturat në Suedi kanë arritur në minus 43.6 gradë.
/Vizionplus.tv/
