Kapricot e motit shaktojnë stuhi e përmbytje në shumë zona të vendit. Pas uljes se menjërshme të temperaturave, thuajse i gjithë territori u përfshi nga koha e keqe.
Ka mjaftuar 60 minuta erë e fortë dhe shi për të përmbytur rrugë e institucione, ndërsa janë shkatuar probleme në zonat bredgetare.
Rrugët e qytetit të Shkodrës u mbuluan nga uji. Në pedonalen e qytetit verior si dhe ne disa lagje kryesore u bllokuan pusetat. Qarkullimi i makinave u vështirësua së terpëmi ndërsa punonjësit e kanalizimeve u detyruan të hiqnin kapakët për të lehtësuar tërheqjen e ujit. Përmbytjes së menjëhershme nuk i ka shpëtuar as spitali i qytetit.
Ndryshimet e menjëhershme të motit, pasditen e së hënës ishin temë e statuseve dhe fotove në rrjetet sociale.
Edhe ne zonat bregdetare, aty ku është përqendur një pjesë e madhe e pushuesve, era e fortë 180 km në ore dhe shiu të rrembyeshëm i kanë dhënë bregdetit panoramën e vjeshtes. Brenda disa minutash, ne qytetin e Vlorës, rrugët janë mbushur me ujë, plazhet janë boshatisur, disa pemë janë thyer e po ashtu ka pasur dëmtime të çadrave dhe shezlonëve
Kjo situate ishte e paralajmëruar me herët nga sinoptikanët. Per Vizion Plus ata thanë se ulja me 8 gradë e tempraturave këtë të henë do të shoqerohej me stuhi dhe përmbytje.
Java e fundit e korrikut do të mbyllet me mot te freskët dhe me prani të shirave në orët e pasdites. Ndryshe nga vitet më parë, vera e këtij viti është parashikuar më e shkurtër dhe me e freskët, ku temperaturat nuk do ti kalojnë 35 gradë.
