Tre gratë që u goditën nga një autobus dhe u vranë në Stokholm javën e kaluar janë identifikuar nga policia suedeze, e cila thotë se janë dy shtetase suedeze dhe një nga një vend tjetër evropian.
Aksidenti ndodhi të premten pasdite, pak pas orës 15:00 kur një autobus dykatësh i zbrazët u përplas në një stacion autobusi në një rrugë të ngarkuar në kryeqytetin suedez.
Autoritetet po hetojnë shkakun e aksidentit.
Mediat suedeze raportojnë se nuk ka prova që e lidhin aksidentin me aktivitet kriminal. Gazeta Dagens Nyheter spekulon se shoferi mund të jetë sëmurur papritmas.
Shoferi i autobusit është arrestuar dhe akuzuar për vrasje të paqëllimshme.
“Puna e policisë për të identifikuar tre personat e vrarë në aksidentin me makinë të së premtes (…) ka përfunduar”, thuhet në deklaratën e policisë suedeze.
“Dy prej tyre ishin gra në të gjashtëdhjetat.
Policia ka informuar familjet e tyre për vdekjen e tyre. Një grua në të pesëdhjetat vdiq gjithashtu. Policia po kërkon të afërmit e saj në një vend tjetër evropian”, por deklarata nuk specifikoi se cilit shtet i përket .
Tre persona të tjerë u plagosën, dy prej të cilëve janë akoma në spital.