Të paktën 40 vetë u plagosën pas ditëve të dhunës gjatë protestave mbi djegien e planifikuar publike të Librit të Shenjtë Musliman.
Ditët e trazirave në Suedi, të cilat u nxitën nga një plan i nje grupi të ekstremit të djathtë duke djegur kopjet e Kur’anit, lanë të plagosur të paktën 40 vetë dhe policia bëri thirrje për më shumë përforcime për të ndalur dhunën.
Djegia e Librit të Shenjtë Musliman është një marifet i praktikuar mirë nga udhëheqësi i grupit anti-imigracion dhe anti-islam, politikanin danezo-suedez Rasmus Paludan.
Duke synuar rritjen e mbështetjes përpara zgjedhjeve legjislative daneze në Shtator, Paludani deklaroi një “turne” në Suedi, duke planifikuar të vizitojë qytete të medha dhe të vegjël, me popullsi të madhe muslimane me qëllim të djegies së kopjeve të Kur’anit gjatë muajit të shenjtë të Ramazanit.
Ku kanë ndodhur protestat?
Trazirat e dhunshme shpërthyen në qytetin qendror suedez të Orebro të premten kur kundër-protestuesit sulmuan policinë para një demonstrimi të planifikuar të ekstremit të djathtë.
Policia tha se katër makina të policisë iu vu zjarri dhe të paktën katër oficerë dhe një civil ishte plagosur. Protestuesit hodhën gurë dhe disa grupe sulmuan pozitat e policisë dhe hoqën barrierat.
Mediat lokale gjithashtu raportuan përleshje në periferi të Stokholmit në Rinkeby pasi Paludan i vuri zjarrin një kopje të Kur’anit të premten.
Të dielën, policia tha se të paktën 34 vetë u arrestuan në lidhjen në Linkoping dhe Norrkoping pasi rreth 150 demonstrues goditen me gurë policët dhe dogjën automjetet e tyre. Anders Thornberg, Shefi i Policisë Kombëtare të Suedisë, tha se kurrë nuk kishte parë trazira të tilla të dhunshme.
Trazirat në Norrkoping erdhën pasi Paludani tha se ai kishte planifikuar të mbante një tubim atje, por kurrë nuk u shfaq. Tre vetë thuhet se u plagosen me armë zjarri dhe policia në Norrkoping tha oficerët “gjuajtën disa të shtëna paralajmëruese” pasi u sulmuan ashpër.
“Tre njerëz duket se janë goditur nga ricochets dhe tani janë në kujdesin spitalor “, tha policia në një deklaratë. “Të tre të plagosurit janë arrestuar me dyshimin për kryerjen e veprave penale”.
Udhëheqësi i partisë së ekstremit të djathtë më vonë tha se e anuloi tubimin sepse autoritetet suedeze kanë treguar së “janë plotësisht të paaftë për të mbrojtur veten dhe mua”.
“Nëse unë do të plagosesha rëndë ose do të vritesha për shkak të pamjaftueshmërisë së autoritetit të policisë për të vendosur rendin, atëherë do të ishte shumë e trishtuese për suedezët, danezët dhe veriorët e tjerë,” tha ai në një post në Facebook.
Në qytetin e Malmo, një autobus mori zjarr pasi autorë të panjohur hodhën një objekt djegie në automjet, raportoi transmetues SVT.
Kush është Rasmus Paludan?
Paludani – babai i të cilit është i kombësisë suedeze – së pari erdhi në vëmendjen e publikut në vitin 2017 kur filloi të bënte video anti-muslimane në YouTube. Ai i justifikoi veprimet e tij në Danimarkë – të tilla si djegia e librit të shenjtë musliman, dhe ndonjëherë i mbështjellë në proshutë – si një haraç për fjalën e lirë.
“Armiku është Islami dhe muslimanët. Gjëja më e mirë do të ishte nëse nuk do të kishte mbetur një musliman i vetëm në këtë tokë, atëherë do të kishim arritur qëllimin tonë përfundimtar “, tha ai në një video të dhjetorit 2018.
Paludani u dënua me 14 ditë në burg në vitin 2019 për fjalimin racist në Danimarkë. Një vit më vonë, ai u përball me një muaj burgim me dy muaj të tjerë me dënim të pezulluar pasi u shpall fajtor për 14 akuza të ndryshme të racizmit, shpifjes dhe drejtimit të makinës në mënyrë të rrezikshme.
Partia “Linja e Ashpër”, ose Straam Kurs në suedisht, nuk arriti të fitojë asnjë vend të vetëm në parlament në zgjedhjet kombëtare të fundit daneze në vitin 2019. Tani Paludani planifikon të kandidojë përsëri në votimin e Qershorit 2023, por raportohet se ai nuk ka numrin e duhur të nënshkrimeve për të siguruar kandidaturën e tij.
A ka ndodhur kjo më parë?
Kjo nuk është hera e parë që shpërthen dhuna kundër planit të Partisë daneze për të djegur Librin e Shenjtë. Në vitin 2020 në Malmo, Suedi, Paludani ishte në qendër të trazirave dhe protestuesit kundër tij u vendosnin zjarrin makinave në përpjekje të ngjashme. Ai u ndalua të kthehej në Suedi për dy vjet.
Paludani dhe partia e tij e “Linja e Ashpër”u ndaluan nga Belgjika për një vit në vitin 2020, për shkak të planeve të tyre për të djegur Kur’anin në një zonë të Brukselit të banuar kryesisht nga muslimanët. Ai u dëbua gjithashtu nga Franca pasi sugjeroi të bëj të njëjtën gjë në Paris.
Si reaguan shtetet ?
Zyrtarët në disa vende muslimane dënuan veprimin që shkaktoi protesta. Ministria e jashtme e Irakut tha të dielën se e thirri në pyetje të ngarkuarin me punë të
Suedisë në kryeqytet, Bagdad.
Ai paralajmëroi se incidenti mund të ketë “pasoja serioze” mbi “marrëdhëniet midis Suedisë dhe muslimanëve në përgjithësi, vendeve myslimane dhe arabe, dhe komuniteteve myslimane në Evropë”.
Agjencia zyrtare e lajmeve të Arabisë Saudite tha se Mbretëria ka “dënuar agjitacionet e ekstremistëve të caktuar në Suedi dhe provokimet e tyre kundër myslimanëve”.
Ministria e Jashtme e Turqisë denoncoi “hezitimin për të parandaluar veprimet provokuese dhe islamofobike … nën mbulesën e lirisë së shprehjes”.
Një demonstrim u mbajt jashtë ambasadës suedeze në kryeqytetin e Iranit, Teheran. Në një postim, këshilltari i Presidentit të Emirateve të Bashkuara Arabe, Anwar Gargash, hodhi poshtë “urrejtjen” dhe “intolerancën” kundër Islamit.
Egjipti “dënoi abuzimin e qëllimshëm të Kur’anit të Shenjtë”, duke shtuar se është “ndër praktikat ekstreme të krahut të djathtë që nxisin kundër emigrantëve në përgjithësi dhe muslimanëve në veçanti”.
Kuvajti “shprehu dënimin e saj të plotë dhe neveri ndaj akteve të përdhosjes së kryer nga ekstremistët suedezë kundër Kur’anit të Shenjtë”, tha agjensia e lajmeve shtetërore Kuna.
Dhe ministria e çështjeve të jashtme të Jordanisë tha se veprimet e partisë “Linja e Ashpër” janë në kundërshtim me të gjitha vlerat dhe parimet fetare, parimet e të drejtave të njeriut dhe liritë themelore, dhe ushqen ndjenjat e urrejtjes dhe dhunës dhe kërcënon bashkëjetesën paqësore”.
Burimi: Aljazeera.com