Skip to content

“Suedia dhe Finlanda të gatshme të punojnë me Turqinë për shqetësimet ‘legjitime’ mbi terrorizmin

Ndajeni këtë artikull me të tjerë duke klikuar ikonat më poshtë

Sekretari i përgjithshëm i NATO-s, Jens Stoltenberg, ka deklaruar se Suedia dhe Finlanda janë të gatshme të punojnë me Turqinë për shqetësimet legjitime të sigurisë së vendit për terrorizmin.

Duke folur në një konferencë për media përpara takimit të shefave të mbrojtjes të vendeve anëtare të NATO-s, Stoltenberg shpjegoi se aleanca “tani po punon në mënyrë aktive në hapat e ardhshëm në procesin e anëtarësimit” të Suedisë dhe Finlandës.

Ai theksoi se Turqia është “një aleat i rëndësishëm që ka shprehur disa shqetësime për disa çështje specifike, veçanërisht në lidhje me luftën kundër terrorizmit”.

Stoltenberg gjithashtu theksoi se Turqia ka “shqetësime legjitime në lidhje me luftën e tyre kundër grupit PKK dhe organizatave të tjera (terroriste)”, duke shtuar se PKK konsiderohet një organizatë terroriste nga NATO, Bashkimi Evropian (BE), si dhe Finlanda dhe Suedia.

Ai po ashtu përshëndeti mesazhet nga Finlanda dhe Suedia për “gatishmërinë e tyre që të ndërmarrin veprime dhe të punojnë më ngushtë me Turqinë për të adresuar shqetësimet e tyre të sigurisë në lidhje me terrorizmin”.

Ai tha se ishte i bindur se edhe nëse mund të marrë më shumë kohë sesa ishte planifikuar fillimisht, aleatët do të gjejnë një zgjidhje për anëtarësimin e Suedisë dhe Finlandës, veçanërisht pasi Turqia është gjithashtu në favor të politikës së dyerve të hapura të NATO-s.

Në fushatën e saj terroriste më shumë se 35-vjeçare kundër Turqisë PKK-ja e listuar si organizatë terroriste nga Turqia, SHBA dhe BE, ka qenë përgjegjëse për vdekjen e mbi 40 mijë njerëzve, duke përfshirë gra, fëmijë dhe foshnja.

I pyetur për përpjekjet e NATO-s për të ndihmuar eksportin e ushqimit të Ukrainës, Stoltenberg tha se shpreson që përpjekjet e Turqisë për të mundësuar dërgesën e grurit ukrainas nga portet e Detit të Zi do të çojnë në një zgjidhje. Komentet erdhën si reagim ndaj përpjekjeve diplomatike të Ankarasë për hapjen e një korridori eksporti për drithërat në Detin e Zi për të parandaluar krizën globale të ushqimit.
Burimi: AA

Ndajeni këtë artikull me të tjerë duke klikuar ikonat më poshtë