Skip to content

Sulmet ndaj xhamive në Gjermani, një bilanc shqetësues nga 2014-ta

Ndajeni këtë artikull me të tjerë duke klikuar ikonat më poshtë

Në Gjermani, më shumë se 800 xhami kanë qenë objektiv i kërcënimeve dhe sulmeve që nga viti 2014, por në shumicën e rasteve krimet nuk janë hetuar siç duhet, sipas grupit të të drejtave të njeriut Brandeilig.

Grupi, i cili themeloi qendrën e parë gjermane për raportimin e sulmeve në xhami, regjistroi pothuajse 840 incidente sulmesh, vandalizmi dhe kërcënimesh midis 2014 dhe 2022, raporton Anatolia.

Një analizë e detajuar e krimeve të vitit 2018 zbuloi se autorët në shumicën e sulmeve mbetën të paidentifikuar, duke nxitur sulme të mëtejshme nga neo-nazistët ose ekstremistët e majtë në vendet e adhurimit mysliman.

Nga 120 sulmet në xhami të regjistruara në vitin 2018, vetëm në nëntë raste janë identifikuar autorët.

Arsyeja për shqetësim

“Kjo shkallë është një shkak për shqetësim,” thanë ekspertët e Brandeilig, duke vënë në dukje se në të paktën 20 raste, përfshirë zjarrvënien, të dyshuarit synonin të shkaktonin vdekje ose lëndime të rënda trupore.

Ata shtojnë se në përgjithësi efektivët e policisë kanë mbërritur shumë shpejt në vendngjarje dhe kanë nisur menjëherë hetimet.

“Megjithatë, deri më sot, pothuajse asnjë incident nuk është zgjidhur”, thanë ekspertët.

Gjermania, një vend me më shumë se 83 milionë banorë, ka popullsinë e dytë më të madhe myslimane në Evropën Perëndimore, pas Francës.

Nga afro 5.3 milionë myslimanë në Gjermani, rreth tre milionë janë me origjinë turke.

 

 

Ndajeni këtë artikull me të tjerë duke klikuar ikonat më poshtë