Kreu i Grupit Parlamentar të PS-së, Bledi Çuçi, i është përgjigjur fjalës së deputetes demokrate Jorida Tabaku në Kuvend, duke u shprehur se nuk tregoi solidaritet për Kosovën, por bëri luftë politike.
Ndër të tjera, Çuçi u ndal te sulmi në Banjskë më 24 shtator, ndërsa shtoi se rezoluta e cila pritet të miratohet sot, tregon mbështetjen e plotë të Shqipërisë ndaj Kosovës.
“E dashur Jorida, duhet ta kishit lënë lojën politike dhe të ishe fokusuar te solidariteti. Fjala jote ishte luftë e pastër politike. Gjithsesi sulmi terrorist ndaj sovranitetit territorial të Republikës së Kosovës më 24 shtator, ishte një grusht i rëndë ndaj paqes dhe stabilitetit jo vetëm në Kosovë por në Ballkan. Prandaj si qeveri kemi mbajtur një qëndrim, e mishëruam në një draft të shkruar nga ne, ku pa diskutim që pika e parë është shprehja e solidaritetit dhe përkrahjes së plotë me rezolutën e Kuvendit të Kosovës, ku qartësisht u kërkojmë institucioneve ndërkombëtare që të hetohet tërësisht konteksti, organizimi, aktoret dhe përkrahësit e sulmit terrorist si dhe të vënë para përgjegjësisë ata që kanë luajtir rol në përgatitjen e sulmit.
Padyshim përkrahjen e çdo përpjekjeje të qeverisë për të vendosur paqenë në Ballkan dhe për të çuar para integrimin e Ballkanit Perëndimor në BE, efektive për garantuar paqen afatgjate në rajon. Rezoluta është konfirmim i përkrahjes së plotë të Shqipërisë ndaj Kosovës. Nuk ka sit ë ndodhë ndryshe, pasi qeveria Shqiptare ka qenë dhe do të jenë gjithmonë në krah të vëllezërve të shqiptarëve të Kosovës”, tha Çuçi.
