Kryeministri Edi Rama ka reaguar për sulmin rus në Odessa të Ukrainës, në kohën kur në qytet ishin presidenti Volodymyr Zelensky dhe kryeministri grek Kyriakos Mitsotakis.
Ai ka dënuar sulmin dhe e ka quajtur provokim të pamatur dhe të rrezikshëm.
Lexo edhe :Related Posts
“Ne dënojmë fuqishëm sulmin me raketa ruse në Odessa që rrezikoi jetën e kryeministrit Mitsotakis të Greqisë, mikut dhe aleatit të përkushtuar të NATO-s dhe Presidentit Zelensky, të cilin pata kënaqësinë ta prisja javën e kaluar në Tiranë. Këto janë provokime të pamatura dhe të rrezikshme”, shkruan Rama në platformën “X”.
We strongly condemn the Russian missile attack in Odessa that endangered the life of Prime Minister Mitsotakis of Greece, a friend and a dedicated NATO ally and of President Zelensky, whom I had the pleasure to host last week in Tirana. These are reckless and dangerous…
— Edi Rama (@ediramaal) March 7, 2024
Pesë persona u vranë në sulmet ruse në Odesa, ndërsa presidenti i Ukrainës Volodymyr Zelensky dhe kryeministri grek Kyriakos Mitsotakis po vizitonin portin, njoftuan autoritetet ukrainase.
“Konfirmojmë sulmin në infrastrukturën portuale të qytetit të Odessa. Konfirmojmë vdekjen e pesë personave. Ka edhe të plagosur”, tha zëdhënësi i marinës ukrainase Dmytro Pletenchuk për France Press.
Mitsotakis tha se në fund të vizitës, ata dëgjuan zhurmën e sirenave të sulmit ajror dhe shpërthimeve aty pranë dhe shtoi se nuk kishin kohë të mbroheshin, duke e quajtur atë një “përvojë mbresëlënëse”.
Zelenski tha se njerëzve në ushtrinë ruse nuk u intereson nëse objektivat janë ushtarakë apo civilë, apo nëse ka mysafirë nga jashtë.
Ministria e Mbrojtjes e Rusisë mori përgjegjësinë për sulmin me raketa në portin e Odessas, duke thënë se forcat ruse goditën “një hangar ku forcat e armatosura ukrainase përgatisin drone detare për luftim. /
