Supë krem spinaqi për një vakt të ushqyeshëm dhe plot shije. Me pak fjalë, plot vitamina në një pjatë.

Përbërësit:

200 gram patate
100 gram qepë
1 litër ujë i nxehtë

400 gram spinaq
30 gram gjalpë
150 ml qumësht
Kripë

Përgatitja:

Lajini dhe grini patatet së bashku me qepët. Hidhini në një enë të thellë. Vendosni në zjarr një enë me ujë të kripur të vlojë.

Shtoni në të perimet, uleni temperaturën dhe ziejini për 10 minuta. Ndërkohë lani spinaqin. Shtojeni te perimet dhe hidhni edhe pak ujë. Ziejini për 5-10 minuta shtesë.

Bëjeni supën krem me një blender. Shtoni gjalpin dhe qumështin dhe përziejini ngadalë. Hidheni supën në pjata dhe shërbejeni me fara kungulli ose lloj tjetër, sipas dëshirës.

/shkollaeshendetit.com