Dhjetëra qytetarë janë mbledhur pasditen e sotme në Tiranë, për të marrë pjesë në protestën e thirrur nga opozita të Kryeministria.
Pak para nisjes së protestës kanë dalë edhe pamjet nga pankartat pikante që qytetarët mbajnë në duar.
Një nga qytetarët shfaqet me pankartën “Sy më sy e xhep më xhep”, duke ironizuar kështu rubrikën online të kryeministrit Rama përmes së cilës bashkëbisedon me komentuesit në rrjete sociale. Ndërsa një tjetër qytetar mban në duar një pankartë ku duket kreu i PD-së Sali Berisha “krah” presidentit të SHBA, Donald Trump.
Kryetari i Partisë Demokratike, Sali Berisha ka lënë selinë blu për t’ju bashkuar qytetarëve në protestën para kryeministrisë.
Berisha shoqërohet nga deputetët si Flamur Noka, Agron Gjekmarkaj, Luçiano Boçi, Elda Hoti dhe qytetarët në rrugën nga selia te kryeministria.
