Nënkryetarja e PD, Jorida Tabaku ka publikuar shifrat e fundit që tregojnë numrin e azilkërkuesve shqiptarë në Europë.
Sipas saj, tashmë janë mbi 200 mijë shqiptarë që në tetë vitet e fundit kanë aplikuar për azil në kontinent dhe kanë braktisur atdheun.
Për Tabakun, Shqipëria e Ramës vetëm shkretohet dhe tashmë rrezikon edhe një nga pikat për çeljen e negociatave.
Postimi i plotë:
Shqipëria e Ramës është një Shqipëri që shkretohet.
Kemi numrin më të lartë të azilkërkuesve në Europë duke rrezikuar edhe një nga pikat e vendosura nga BE për çeljen e negociatave.
Kriteret e vendosura janë një letër lakmuesi për të kuptuar se sa seriozisht e ka qeveria jonë procesin e integrimit.
Por sot numërohen mbi 200 mijë shqiptarë që kanë ikur nga vendi në 8 vjet. Nuk shohin të ardhmen këtu, nuk besojnë më tek një qeveri që punon për veten dhe varfëron shqiptarët.
Ka ardhur koha të ndryshojmë realitetin! Ka ardhur koha që politika të punojë për qytetarët! Ka ardhur koha që integrimi të jetë kryefjala e përpjekjes sonë për një vend më të mirë dhe pranë familjes Europiane.
