Avokati i Saimir Tahirit e konsideron skandaloz vendimin për dënimin e ish-ministrit.
Ai u shpreh para gazetarëve se nëse kjo është forma sesi luftohet korrupsioni, duke futur Tahirin në burg, politikanët e tjerë, duhet të vishen trashë, paralajmëroi ai.
“Dënimi me 3 vite e katër muaj, ishte e papritur dhe non sense juridik që të hiqej pezullimi. Ky vendim ishte për të kënaqur. Ky vendim ka të bëjë me faktin, pavarësisht që na bën optimist i tremben pafajësisë në GJL. Nuk justifikohet vendimi. Sot Tahiri siç e patë i kishte mundësitë mos të vinte, kishte njerëz që i thanë ik, po ai tha se do të përballej më drejtësinë. Ky vendim ishte një vendim për të njollosur Tahirin. I kishim diskutuar edhe më parë vendimet. Nëse kjo është Reforma që të luftohet korrupsioni, duke futur në burg Tahirin, të gjithë politikanët të vishen trashë”, deklaroi Maks Haxhia.
Në prononcimin e tij për mediat, Haxhia dha se Tahiri kishte marrë propozime për t’u arratisur nga vendi, por nuk kishte pranuar.
“Saimir Tahiri i kishte të gjitha mundësitë edhe të mos vinte. Kishte edhe njerëz që të mos paraqitej. Por ai tregoi disponueshmëri”, tha avokati.
