Sekretari i përgjithshëm i PD-së së Rithemelimit, Flamur Noka, ka komentuar mitingun e kryeministrit Edi Rama në Athinë.
I ftuar në emisionin në Neës 24, Noka tha se kryeministri i foli administratës së Shqipërisë, pasi në Athinë sipas tij, kishin shkuar “rilindasit”.
Deputeti demokrat the se “Rama bëri paratë e taksapaguesve shqiptarë rrush e kumbulla për qëllime elektorale”.
Flamur Noka: Rama në Athinë iu foli shqiptarëve që vinin nga Shqipëria. Kryetari i Bashkisë së Librazhdit tha se kemi dërguar shumë njerëz në Athinë, edhe nga Tepelena u tha se janë dërguar 2000 njerëz në Greqi.
Kishte vetëm makina e autobusë që kalonin nga Shqipëria në Greqi. Të çosh 7000 vetë në Greqi është shpenzim i madh.
Kishte nga Kukësi që janë me Rilindjen atje në Athinë. U bënë rrush e kumbulla paratë e shqiptarëve. Do rrëzohet regjimi dhe do ketë qeveri teknike.