Sipas zyrës së presidentit ukrainas, takimi midis Donald Trump dhe Volodymyr Zelensky në Davos përfundoi pak pas orës 15:00 të enjten (22 janar).
Presidenti amerikan, në komentet e tij të para pas takimit, tha se bisedimet me presidentin ukrainas ishin “të mira”.
Duke iu përgjigjur një pyetjeje nëse kishte një shans për të arritur një marrëveshje sot, ai u përgjigj: “Do të shohim se çfarë ndodh”.
“Do të takohemi në Rusi me Presidentin Putin”, shtoi ai.
“Pata një takim shumë pozitiv me Presidentin Zelensky; të gjithë duan që lufta të mbarojë”, përfundoi ai.
Takimi zgjati më pak se një orë dhe u zhvillua pas njoftimit të Steve Witkoff se negociatat për t’i dhënë fund luftës ishin të kufizuara në një çështje të vetme.
“Mendoj se ka vetëm një pikë për t’u zgjidhur. Kemi diskutuar shumë versione të saj, dhe kjo do të thotë se mund të zgjidhet. Nëse të dyja palët duan ta zgjidhin, ne do ta zgjidhim”, theksoi Witkoff në margjinat e Forumit Ekonomik Botëror në Davos, pa dhënë sqarime të mëtejshme./CNN