Lejimi i aksesit në arsim për vajzat dhe gratë është një nga kërkesat kryesore të komunitetit ndërkombëtar për talibanët që kur ata përmbysën qeverinë pro-perëndimore në fund të gushtit.
Talibanët do t’i lejojnë vajzat në Afganistan të kthehen në shkollën e mesme nga java e ardhshme, tha një zyrtar i ministrisë së arsimit pas një muaji pasigurie nëse vajzave dhe grave do t’u lejohet aksesi në arsim.
“Të gjitha shkollat do të jenë të hapura për djemtë dhe vajzat,” tha për Reuters Aziz Ahmad Rayan, një zëdhënës i ministrisë së arsimit.
“Por do të ketë disa kushte për vajzat”, tha ai, ku ato do jenë veçmas nga kolegët meshkuj dhe stafi i tyre mësimor do të jetë vetëm femra.
Në disa zona rurale ku ka mungesë edukatore femra, raportohet se vajzat do të lejohen të mësohen nga mësues të moshuar meshkuj.
Lejimi i aksesit në arsim për vajzat dhe gratë është një nga kërkesat kryesore të komunitetit ndërkombëtar për talibanët që kur ata përmbysën qeverinë pro-perëndimore në fund të gushtit.
