Administratori i Konfindustrisë, Gjergj Buxhuku, komentoi sot në emisionin “Open” në News 24 vendosjen e tarifave të reja të SHBA-ve ndaj mallrave të importuara.
Buxhuku tha se nuk është e vërtetë që Donald Trump po prish strukturën e ekonomisë botërore.
Ai tha se Organizata Botërore e Tregtisë ka një kusht themelor, të cilin Trump nuk e ka shkelur sipas tij,
“Ai është që tarifat që shtetet anëtare të Organizatës Botërorë Tregtare nuk duhet të kalojnë kufirin 50%. Po të shikoni tarifat që ka vendosur Trump, më e madhja është 47% . Kina nga ana e saj aplikon 67% tarifë reale ndaj mallrave amerikane”, u shpreh administratori i Konfindustrisë.
Gjergj Buxhuku: E para nuk është vërtetë fare që Trump po prish strukturën ekonomisë botërore. Organizata Botërore e Tregtisë ka një kusht themelor, kushti themelor është që tarifat që shtetet anëtare të Organizatës Botërorë Tregtare nuk duhet të kalojnë kufirin 50%.
Po të shikoni tarifat që ka vendosur Trump, më e madhja është 47% . Kina nga ana e saj aplikon 67% tarifë reale ndaj mallrave amerikane. Kanë filluar jo me Trump, por me qeveri të tjera të SHBA që kanë vendosur politika për të mbrojtur prodhimet e tyre nga dumping që këto vende i bëjnë mallrave amerikane.
