Detaje të reja janë zbardhur nga arrestimi i Erzen Breçanit dhe personave të tjerë. Në pranga ka rënë djali i madh i Breçanit, i cili akuzohet për trafik droge dhe pastrim parash. Ndërsa ish- zyrtari i lartë i policisë akuzohet për pastrim parash dhe përkrahje e autorit të krimit. Urdhër arrestet mësohet se janë lëshuar nga prokurori i SPAK, Vladimir Mara pas zbulimit të disa komunikimeve në aplikacionin skyecc.
Akuzat për 11 të ndaluarit janë pastrim parash, grup i strukturuar kriminal, trafik droge, sigurim kushtet për të kryer vrasje, shpërdorim detyre dhe përkrahje e autorit të krimit.
