Ministria e Mbrojtes ka njoftuar se janë shpëtuar 6 shtetas kosovarë të bllokuar në malin e Jezercës.
“Një helikopter i Forcës Ajrore u angazhua në operacionin e kërkim shpëtimit në malin e Jezercës ku prej disa orësh ishin bllokuar 6 shtetas nga Kosova,” shkruhet në njoftim.
Operacioni nga ajri nisi rreth orës 19 dhe pak minuta më parë turistët u morën nga zona ku ishin bllokuar dhe u dërguan shëndoshë e mirë në Theth.
Operacioni i Forcës Ajrore në bashkëpunim me Policinë e Shtetit përfundoi me sukses.
