Në tubimin e zhvilluar për çështjen e Zvërnecit përpara Kryeministrisë, protestuesit kanë sjellë një gomone si simbolikë të emigracionit dhe largimit të qytetarëve nga vendi ndër vite.
Gomoneja është vendosur në shesh si një element proteste, duke u lidhur me fenomenin e emigrimit përmes detit dhe largimin e të rinjve shqiptarë drejt vendeve të BE-së.
Sipas pjesëmarrësve, ky simbol synon të tërheqë vëmendjen mbi numrin e lartë të qytetarëve që kanë lënë vendin dhe mbi mungesën e perspektivës për qëndrimin në Shqipëri.
