Home SOCIALE Të rrallë si ai: shëronte dhe shpirtëra, shuhet Doktori i famshëm Ali Iljazi

Të rrallë si ai: shëronte dhe shpirtëra, shuhet Doktori i famshëm Ali Iljazi

0
Të rrallë si ai: shëronte dhe shpirtëra, shuhet Doktori i famshëm Ali Iljazi

Ndajeni këtë artikull me të tjerë duke klikuar ikonat më poshtë

Është ndarë nga kjo botë një prej figurave më imponuese të mjekësisë kosovare, Dr. Ali Iljazi, mu prej faktit se ishte një mjeshtër i shpjegimit të madhështisë së krijimit të Zotit te funksionet organike të njeriut. Në këtë pikë, ai shëronte dhe shpirtëra duke shpalosur virtytin unik të besimit.

Bashkësia Islame e Kosovës, pas lajmit të hidhur për frymëndaljen e Doktorit të shquar, ofron dhe një profil të të ndjerit.

“‘Të Allahut jemi dhe tek Ai do të kthehemi’.

Njoftojmë kolegët, miqtë dhe opinionin e gjerë, se sot, më 6 korrik 2022, ka ndërruar jetë doktori Ali Iljazi.

Rahmetliu ka qenë bashkëpunëtor i vyer i periodikut të Bashkësisë Islame të Kosovës, ku ka të botuar një numër të konsiderueshëm të temave e artikujve autorial, si dhe përkthime nga fusha e disiplina të ndryshme.

Me kalimin në Ahiret të doktorit, Bashkësia Islame e Kosovës, e posaçërisht periodiku i saj ka humbur një ndër bashkëpunëtorët e çmuar.

Zoti e mëshiroftë doktorin, ndërsa familjes i dhëntë sabër e gajret!

Varrimi i rahmetliut bëhet nesër, më 7 korrik 2022, në orën 17:00, në varrezat e Xhamisë së Hadumit.

Biografi e shkurtër

Prim.dr.sc.med. Ali F. Iljazi, lindi në Gjakovë në vitin 1949. Rrjedh nga një familje me ndjenja të thella fetare e kombëtare. Nga kjo familje pati 20 hoxhallarë dhe shtatë myderriza eminent që shërbyen në Medresenë e Madhe të Gjakovës afro 280 vite me radhë.

Prim.dr.sc.med. Ali F. Iljazi, shkollën fillore dhe të mesme e kreu në vendlindje me sukses të shkëlqyeshëm.

Fakultetin e mjekësisë e kreu në Sarajevë në vitin 1973 me sukses të shkëlqyeshëm. Për suksesin e arritur gjatë studimeve u dekorua me “Shenjen e artë të Universitetit të Sarajevës”, si studenti më i suksesshmi dhe më i dalluari në këtë Universitet.

Specializimin nga lëmi i mjekësisë interne e kreu në Sarajevë në vitin 1979 po ashtu me sukses të shkëlqyeshëm dhe falënderim të veçantë.

Në vitin 1987 merr titullin e primariusit. Ndërsa në vitin 1988 në Universitetin e Novi Sadit mbron titullin e doktorit të shkencave të mjekësisë.

Deri më sot ka botuar mbi 80 punime shkencore nga lëmi i mjekësisë, të botuara këto nëpër revista të ndryshme dhe të referuara në kongrese e seminare të ndryshme, si dhe monografinë “Testet bronkoprovokuese në diagnostiken e hiperaktivitetit bronkial”.

Krahas veprimtarisë mjekësore Dr. Ali Iljazi merret me studimin e Kur’anit fisnik nga këndvështrimi shkencor dhe shquhet si pionier i kësaj lëmie në trevat shqiptare.

Nga kjo lëmi ka publikuar mbi 1000 punime shkencore të botuara në revistat: ‘Dituria Islame’, ‘Takvimi’, ‘Zgjimi Islam’, ‘Frymëzimi’, ‘Fjala e bukur’, ‘Hëna e re’, ‘Paqja’, ‘Gazeta Besa’, ‘Vepra’, ‘Drita Islame’, ‘Etika’, ‘Zaman’, ‘Emocioni’, ‘AlbIslam’, etj.

Dr. Ali Iljazi ka qenë kryetar i Këshillit të Bashkësisë Islame të Gjakovës dy mandate prej vitit 1988- 1992 dhe 1992 1996.

Po ashtu ka kryer edhe detyrën e imamit dhe hatibit në Mejtepin e Halil Efendisë dhe në Xhaminë e Qylit”, shkruan BIK. /tesheshi.com/

Ndajeni këtë artikull me të tjerë duke klikuar ikonat më poshtë