Duhet të ruajmë paqen edhe stabilitetin, ky ka qenë mesazhi i presidentit serb, Aleksandër Vuçiç në takim me përfaqësuesit e serbëve të Kosovës.

 

Kreu i shtetit serb bisedoi me ta pas dështimit të bisedimeve me kryeministrin Albin Kurti në Bruksel.

 

ALEKSANDËR VUÇIÇ

PRESIDENTI I SERBISË

 

Duhet të jeni të kujdesshëm dhe të qetë. Duhet ta ruajmë paqen dhe stabilitetin dhe t’i përgjigjemi arrogancës së të tjerëve si njerëz të denjë. Jam i sigurt se do të ruajmë vatrat tona. Ne vetëm duam të mbrojmë popullin tonë dhe asgjë më shumë. Kështu që jam i sigurt se si komb do të tregojmë pjekuri dhe do të ruajmë vatrat tona.

 

Ndërsa drejtori i Zyrës për Kosovën, Petar Petkoviç tha se komuniteti ndërkombëtar e kuptoi se cila është pala që nuk do negociata.

 

PETAR PETKOVIÇ

DREJTORI I ZYRËS PËR KOSOVËN

Për ne vija e kuqe është që ne nuk e pranojmë që Kosova të bëhet anëtare e OKB-së, por askush nuk mund të kërkojë nga Beogradi që marrëveshjet e nënshkruar duhet të zbatohen të gjithë, Kosova duhet të zbatojë marrëveshjet e dakorduara dhe vetëm atëherë mund të flasim për vazhdimin e normalizimit.

 

Petkoviç shtoi se Prishtina për 10 vjet ka refuzuar zbatimin e marrëveshjes së Brukselit dhe themelimin e asociacionit të komunave me shumicë serbe.

https://berati.tv/wp-content/uploads/2023/02/makina-me-qera.png