Të shtëna me armë zjarri janë raportuar paraditen e kësaj të diele në Thumanë, ku pas një konflikti të çastit një person ka qëlluar më drejtim të një makine të parkuar në pronësi të shtetasi me iniciale K.M.
Policia thote se autori i dyshuar pas ngjarjes është larguar me një automjet, i cili është i identifikuar nga ana e uniformave blu, por për arsyje hetimi nuk jepen të dhëna të tjera.
Grupi hetimor ndodhet në vendngjarje dhe paraprakisht gjatë këqyrjes së saj ka gjetur e sekuestruar dy gëzhoja. Po Punohet për kapjen e autorit dhe dokumentimin e plotë të rastit.
“Me datë 27.04.2025, rreth 11:00, në Thumanë, në parkimin e një lokali, dyshohet se pas një konflikti të çastit, për motive të dobëta, është qëlluar me armë zjarri në drejtim të automjetit të parkuar në pronësi të shtetasit K. M. Nga të shtënat nuk ka persona të dëmtuar.
Autori i dyshuar pas ngjarjes është larguar me një automjet, i cili është i identifikuar nga ana jonë, por për arsyje hetimi nuk japim të dhëna të tjera”, thote policia.
Materialet procedurale iu referuan Prokurorisë, për veprime të mëtejshme.
