Melania Trump dhuroi fustanin e saj të ballit të inaugurimit në Muzeun Kombëtar të Historisë Amerikane të Institutit Smithsonian.
Zonja e Parë e Shteteve të Bashkuara tha se ishte “e pabesueshme të shihte fustanin e saj të ballit të inaugurimit me zbukurimet e tij të zeza dhe të bardha të ekspozuara në muzeun dhe kompleksin kërkimor më të madh në botë”.
Ky është fustani i dytë i inaugurimit që ajo i ka dhuruar koleksionit të zonjave të para të muzeut, pasi dhuroi një fustan nga viti 2017.
Të premten, më 20 shkurt, Melania Trump vazhdoi një traditë të gjatë të dhurimit të fustaneve të inaugurimit të zonjave të para kur dhuroi një fustan pa rripa me zbukurime të bardha dhe të zeza që e veshi natën e 20 janarit 2025, sipas AP.
Pas një programi të shkurtër, manekini me fustanin u ngjit lart dhe iu shtua ekspozitës së zonjave të para. Melania Trump dhe Herve Pierre, stilisti i saj i hershëm dhe dizajneri i të dy fustaneve të saj, erdhën për të parë fustanin.
“Është e pabesueshme. Ky është një moment historik,” u përgjigj ajo kur u pyet nga një gazetar se si ndihej duke parë fustanin në ekspozitë.
Por më e rëndësishme të dihet është se ç’principe apo vlera, pra aspekte të vyera jo materiale, i ka dhuruar kjo grua presidenciale nga Ballkani shoqërisë ku jeton. A më e rëndësishme, burrit që ka në krah. Kjo do do ishte më interes. Fustani fustan mbetet, hiç më shumë se kaq. /tesheshi.com/
