Autoritetet franceze po zbatojnë projekte për të eleminuar të ashtuquajturin separatizëm islamik, i cili ka goditur komunitetin musliman në vend dhe një shembull është rasti i Imam Farid Slim, i cili po gjykohet për pohimin në mediat sociale se Presidenti turk Rexhep Tajip Erdogan e ka menaxhuar situatën COVID-19 më mirë se homologu i tij francez Emmanuel Macron.

Guvernatori i Chambery akuzoi imamin Slim për poshtërimin e Francës, përpjekjen për të përmbysur qeverinë franceze dhe përhapjen e terrorizmit. Për këtë arsye, Slim u paraqit dje në një seancë gjyqësore në Paris.

Gjykata dëgjoi të dy palët dhe njoftoi deklaratën e saj mbi padinë në seancën tjetër, e cila u njoftua për 31 mars.

Prokurori publik francez mori pjesë në seancë dhe i kërkoi gjykatës të anulonte vendimet për kontrollin e shtëpisë së hoxhës, sepse ai e konsideron atë të pabazuar ligjërisht.

Pas dëgjimit, i akuzuari Imam Slim tha e policia hyri në shtëpinë e tij një mëngjes rreth orës gjashtë dhe i tha atij se ishte akuzuar për propagandim të terrorizmit.

Duke treguar se ai ka qenë duke punuar në Francë si imam për dy dekada, Slim tha se policia kontrolloi shtëpinë e tij dhe i tha se do të gjykohej sepse ai përbënte një kërcënim për vendin.

 “Unë kam qenë duke ligjëruar mbi Islamin dhe duke punuar në këtë fushë për më shumë se dhjetë vjet. Sidomos luftoj për të udhëzuar të rinjtë në Francë se si të mbrohen nga zakonet e këqija dhe elementët radikalë në shoqëri. Unë vazhdimisht i këshilloj të rinjtë të jenë tolerantë dhe të dobishëm në shoqëri”, tha Slim.

Policia sekuestroi kapi telefonat dhe kompjuterët nga shtëpia e imamit gjatë kontrollit dhe Slim tha se raporti thotë se asgjë nuk u gjet për të treguar lidhjen e tij me terrorizmin ose ndonjë krim tjetër.

Duke theksuar se nuk u gjet asnjë provë gjatë hetimit, pasi ai nuk kreu ndonjë krim, Slim beson se u akuzua vetëm sepse deklaroi publikisht pikëpamjet e tij si një qytetar.

“Ku është liria e fjalës tani? Unë jam në gjyq sepse kam kritikuar politikën e qeverisë franceze gjatë pandemisë, dhe veçanërisht sepse kam shkruar në Facebook se Presidenti turk Erdogan po administronte më mirë krizën sesa Presidenti francez Macron. Kështu që pretendohet se kam shkelur ligjin francez. Si qytetar, unë thjesht thashë se nuk isha i kënaqur me politikën e vendit gjatë pandemisë,” tha Slim.

I akuzuari Imam Slim ka gjashtë fëmijë, dhe gruaja e tij gjithashtu organizon leksione mbi Islamin.

“E gjithë kjo është shumë tronditëse për fëmijët tanë të cilët janë rritur në një frymë qytetare për lirinë e fjalës. Ata tani e kuptuan që policia kishte kontrolluar shtëpinë e tyre pasi babai i tyre u kishte dhënë mendimin e tyre. Si mund t’ua shpjegojmë atyre atyre tani?”, tha Slim, duke shtuar se është e vështirë për nxënësit e tij të kuptojnë se çfarë po i bëhet një mësuesi që i mëson ata të respektojnë shtetin dhe vlerat shoqërore.

Avokati mbrojtës Seten Guez theksoi se Imam Slim gëzon respekt të madh nga komuniteti mysliman në Francë dhe vendasit e Chambery. Ai i konsideron akuzat ndaj hoxhës si arbitrare dhe të pabazuara.

“Akuzat e bëra ndaj të mbrojturit tim lindën nga fakti se ai shprehu qëndrimin dhe mendimin e tij në përputhje me të drejtat e të gjithë qytetarëve. E vetmja gjë për të cilën akuzohet janë postimet në Facebook”, tha Guez.