Dy anije të rojës bregdetare greke dhe turke janë përfshirë në një incident mes tyre në ishujt e kontestuar mes dy shteteve.
Dy anije patrulluese në zonën e ishujve që Greqia i quan ‘Imia’ dhe Turqia ‘Kardak’ janë afruar rrezikshëm, madje edhe duke u përplasur në pjesën anësore.
Autoritetet greke e kanë cilësuar këtë një ngjarje që ndodhi për shkak të devijimit të rrugës nga anija turke, ndërsa autoritetet turke kanë dënuar këtë akt të grekëve sipas tyre.
