Kreu i PD- Sali Berisha ka komentuar zhvillimet politike në veri të Kosovës, në studion e Quo Vadis, në Vizion Plus.
Berisha e ‘drejtoi gishtin’ nga presidenti serb Vuçiç për të cilin tha se po nxit destabilitetin në Kosovës.
“Ngjarjet në Kosovë po ndodhin sipas skenarit të Putinit të vogël.”- u shpreh kreu i PD.
“Gjithcka ndodh sipas skenarit të Putinit të vogël, nën drejtimin të Putinit të madh. Vuçiç një muaj më parë do të deklaronte se qëllimi i qeverisë së Kosovës sipas tij, ishte të shpërbënte shtetin serb në Kosovë” – tha Berisha.
Më tej, Berisha tha se zyrtarët që dhanë dorëheqjen në Kosovë janë vegël e Vuçiç dhe skenarit të tij e Putinit të Rusisë.