Ministri për Europën dhe Punët e Jashtme, Igli Hasani ka rikonfirmuar pozicionimin e Shqipërisë krah Kosovës, lidhur me tensionet e regjistruar së fundmi në Banjskë të Zveçanit. Hasani e konsideroi sulmin terrorist ndaj uniformave blu të Kosovës, si një tentativë për destabilizim . Ai thekson se Policia e Kosovës ka legjitimitetin e plotë për zbatimin e detyrave të saj.
“Vrasja e një polici e bën më të rëdë situatën në Kosovë. Ngushëllime familjes! Mbështetja shkon për popullin e Kosoves qe sot përballet me tentativa të rrezikshme për destabilizimin e Kosovës. Autorët dhe organizatorët duhet të mbajnë përgjegjësi e të dalin para drejtësisë. Ngjarjet e fundit tregojnë se nuk ka sundim ligji. Policia ka legjitimitet të zbatojë ligjin. Qetësimi është e vetmja rrugë për të ecur përpara”, tha Hasani.
Ministri Hasani e ka konsideruar si sinjalin më të keq që Serbia mund të jepte shpalljen ë zisë kombëtare, në nder të terroristëve të vrarë. Ai nënvizoi se ndonëse pritej që shteti serb të reflektonte, nuk ndodhi, pasi Beogradi i “fryu zjarrit” të konfliktit.
Në të njëjtën kohë, Hasani bën thirrje për ulje të tensioneve dhe rikthim të palëve ne tyezën e dialogut.
“Nga ana tjetër grupi terrorist, është sinjali më i keq që Serbia mund t’i jepte rajonit. Kemi pritur që Serbia të bëntë një hetim të plotë për grupin dhe trafikun e armëve, në vend të kësaj, duke shpallur ditë zie, Serbia zgjodhi t’i fryjë zjarrit të konfliktit të armatosur. Është pozitive që ushtria u tërhoq, por po përdoret për shfaqje. Bëjmë thirrje për angazhim të fuqishëm për të garantuar sovranitetit territorial të Kosovës”, tha ai duke shtuar se dialogu është e vetmja zgjidhje.
Ministri i Jashtëm shtoi se një draft për asociacion është domosdoshmëri që dialogu mes dy vendeve të funksionojë.
