Ambasadori rus në Kombet e Bashkuara ka kërkuar mbledhje të veçantë të Këshillit të Sigurimit lidhur me tensionet e vazhdueshme diplomatike në mes Perëndimit dhe Rusisë, që filluan në një qytezë të Britanisë së Madhe, për shkak të helmimit të ish-spiunit rus.
Ka kaluar një muaj që kur agjenti Sergei Skripal dhe vaja e tij, Yulia, u helmuan në Salisbury, kurse betja për gjetjen e fajtorit vetëm se po përkeqësohet në mes të Rusisë dhe Britanisë.
Kryeministrja Theresa May u shpreh se ka shumë mundësi që sulmi të ishte porositur nga qeveria ruse, mirëpo Kremlini vazhdimisht ka mohuar akuzat, përcjell KosovaPress.
Takimi i thirrur për mbrëmjen e sotme do të jetë hera e dytë që Këshilli i Sigurimit debaton për helmimin. Në mbledhjen e kaluar, ambasadorja amerikane në OKB, Nikki Haley fajësoi Rusinë për sulmin dhe kërkoi përgjigje të rreptë nga spektri ndërkombëtar.