Policia e Gjirokastrës ka vënë në pranga një 33-vjeçar, i cili akuzohet se ka ndihmuar një të mitur të futet ilegalisht në territorin shqiptar.
Policia njofton se 33-vjeçari e kishte shoqëruar vajzën e mitur nga Athina deri në pikën kufitare të Kakavijës, ku edhe është konstatuar veprimtatria e paligjshme.
“Ky shtetas është kapur në flagrancë në PPK Kakavijë, duke tentuar të ndihmonte për të hyrë në mënyrë të parregullt, në territorin e Republikës së Shqipërisë, një shtetase 17-vjeçare, të cilin e kishte shoqëruar nga Athina në Kakavijë”, thuhet në njoftim.
Gjithashtu policia ka sekuestrua në cilësinë e provës materiale 1 aparat celular dhe një shumë parash.
Materialet i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.
