Policia ka vendosur në pranga Ideal Agollin pasi kishte tentuar të kryente marrëdhënie seksuale me një të mitur.
Agolli ishte dënuar nga Gjykata e Rrethit Gjyqësor Durrës me 6 vite burg dhe ishte shpallur në kërkim ndërsa u vendos në pranga ditën e sotme në kryeqytet.
Njoftimi i policisë:
Vijon puna për kapjen e personave të shpallur në kërkim.
Finalizohet operacioni policor i koduar “Sei”, i zhvilluar nga Seksioni i Kërkimit.
Vihet në pranga 1 shtetas i shpallur në kërkim kombëtar për veprën penale “Marrëdhënie seksuale ose homoseksuale me të mitur”, mbetur në tentativë.
Shërbimet e Seksionit të Kërkimit, në vijim të punës për kapjen e personave të shpallur në kërkim dhe vënien e tyre para përgjegjësisë ligjore, bazuar dhe në informacionet e marra në rrugë operative, për vendndodhjen e një shtetasi në kërkim, organizuan dhe finalizuan operacionin policor të koduar “Sei”.
Në kuadër të këtij operacioni u bë kapja e shtetasit:
– Ideal Agolli, banues në Tiranë.
Ky shtetas ishte shpallur në kërkim, pasi Gjykata e Rrethit Gjyqësor Durrës e ka dënuar me 6 vjet burgim, për veprën penale “Marrëdhënie seksuale ose homoseksuale me të mitur”, mbetur në tentativë.
