Kryeministri Rama nëpërmjet një statusi në Twitter bëri më dije se mauneve shqiptare në pikën kufitare me Kosovën u ishte vendosur tarifë për të dezinfektuar kamionët.

Pas statusit të Ramës është marrë vendimi nga qeveria e Kosovës për anulimin e tarifës.

Përmes një deklarate zyrtare, thuhet se është pezulluar kontrata për dezinfektimin e mauneve që vijnë në Republikën e Kosovës.

Ministria kosovare sqaron se kjo procedurë ishte vendosur për shkak të situatës me COVID-19.

Njoftim

Pezullohet kontrata për dezinfektimin e kamionëve që vijnë në Republikën e Kosovës.

Dezinfektimi i kamionëve parashihej në kuadër të masave për luftimin e pandemisë së COVID-19.

Nga ky moment importuesit nuk kanë nevojë t’i dezinfektojnë maunet në pikat kufitare.

Subscribe kanalin tonë në Youtube për të mos humbur asnjë video të re