Të paktën 242 persona janë ende të zhdukur sot në Japoninë qendrore pas tërmetit shkatërrues që goditi në ditën e Vitit të Ri, sipas të dhënave të fundit zyrtare nga autoritetet në prefekturën Ishikawa.
Autoritetet e prefekturës e çuan numrin e viktimave në 92 të vdekur. Pritet të rëndohet edhe më shumë pasi ekipet e kërkim-shpëtimit vazhdojnë të kërkojnë nëpër rrënojat.
Tërmeti me magnitudë 7.5, i cili u ndje deri në kryeqytetin Tokio, më shumë se 300 kilometra larg në vijë të drejtë, goditi fort në Gadishullin Noto në prefekturën Ishikawa, një rrip i ngushtë toke që shtrihet njëqind kilometra në Detin e Japonisë. Tërmeti shembjen e dhjetëra ndërtesave dhe shkatërroi shumë rrugë.
Dritarja 72-orëshe, e konsideruar si më e rëndësishmja për gjetjen e të mbijetuarve pas një fatkeqësie natyrore, u mbyll të enjten dhe Guvernatori i Ishikawa, Hiroshi Hase, i cili tha se kishte frikë se shkalla e mbijetesës së njerëzve që kanë nevojë për shpëtim do të bjerë. /