Presidenti Hashim Thaçi shpehet se do ti mbështesë me veprime konkrete kërkesat e shqiptarëve të Preshevës, Bujanocit dhe Medvegjës.
Kreu i shtetit ka ripërsëritur qëndrimin e tij për bashkimin e Preshevës me Kosovën, ai ndër të tjera ka theksuar se është i gatshëm të nënshkruaj marrëveshje për bashkim.
Përmes një statusi në ‘Facebook’ Thaçi tha se gjatë kësaj kohe ka kërkuar unitet politik në Kosovë.
“Unë i përgjigjem pozitivisht çdo mundësie për nënshkrimin e një marrëveshjeje me shkrim me përfaqësuesit politikë e legjitimë të Luginës së Preshevës, për bashkim me Kosovën. Gjatë tërë kësaj kohe kam kërkuar unitet politik në Kosovë për përkrahjen e kërkesës së tyre dhe dëshiroj që pas nënshkrimit tim, të gjitha subjektet politike parlamentare që u ka shkuar ajo kërkesë, t’i radhisin nënshkrimet si zotim për miratimin e rezolutës së iniciuar prej përfaqësuesve politikë të Luginës së Preshevës, për bashkim me Kosovën”.
