Presidenti i Kosovës, Hashim Thaçi nga SHBA ka përshëndetur mbledhjen e kësaj të hëne mes dy qeverive e shqiptare.
Përmes një statusi në rrjetin social presidenti Thaçi, ka deklaruar se takimet e tilla mes Qeverisë së Kosovës dhe Qeverisë së Shqipërisë kanë rol të veçantë në interesat strategjike të të dyja shteteve.
Vendimet e marra mes dy qeverive Thaçi i konsideron hap progresiv drejt arritjes së rrugëtimit euroatlantik.
“Mbledhjet ndërmjet Qeverisë së Kosovës dhe Qeverisë së Shqipërisë janë shumë të rëndësishme për bashkërendimin e prioriteteve dhe interesave strategjike të shteteve tona. Vendimet e sotme të dy qeverive janë një hap tjetër i rëndësishëm drejt arritjes së synimeve tona strategjike për bashkimin e shqiptarëve nën ombrellën e Bashkimit Evropian. Këto dhe vendime tjera do të ndikojnë në largimin e barrierave për qytetarët dhe rritjen ekonomike bazuar në vlerat e Bashkimit Evropian.”
