Presidenti Hashim Thaçi dhe kryeministri Ramush Haradinaj ka qenë i pjesë e ceremonisë së ngritjes solemne të flamurit të Republikës së Kosovës, për të vijuar më pas me nderimet para shtatores së presidentit Rugova dhe lapidarin e të pagjeturve, në rrjetet sociale janë dhënë deklaratat e para për këtë ditë festive.
Kreu i shtetit është shprehur se shpallja e Pavarsisë para 11 vitesh ishte një akt historik.
“Shpallja e Pavarësisë së Kosovës para 11 viteve ishte akti historik më sublim, që institucionalizoi përpjekjet tona për liri. Për këtë arritje kanë merita të gjithë qytetarët. I falënderojmë të gjithë miqtë tanë, me në krye Shtetet e Bashkuara të Amerikës, që kontribuuan për lirinë dhe Pavarësinë e Kosovës. U jemi mirënjohës përjetë”.
Më tej, presidenti i Kosovës i dedikon edhe një status nderimi të përjetshëm, siç e cilëson ai, për bashkëluftëtarin e orëve të para në Ushtrinë Çlirimtare të Kosovës, komandantit legjendar Adem Jashari, si dhe familjes së tij për sakrificën sublime.
“Nderime të gjithë Dëshmorëve të Kombit!”.
