Dymbëdhjetë aktivistët pro-palestinezë – përfshirë Greta Thunberg – pritet të arrijnë në bregdetin e Gazës që të hënën, nëse askush nuk i ndalon gjatë rrugës.
Duke folur në një mesazh zanor për The Sunday Times nga Madleen, ajo shtoi: “Jemi shumë të lumtur që po shkojmë, që po lundrojmë.”
Thunberg u nis nga Siçilia më 1 qershor me 11 aktivistë pro-palestinezë, duke synuar të arrinin në Gaza deri më 7 qershor. Edhe pse kjo datë ka kaluar, grupi tani pretendon se ka kaluar Egjiptin dhe pret të arrijë në brigjet e Gazës deri të hënën – përveç nëse interceptohet nga ushtria izraelite.
“Çfarë më solli në këtë anije?”, tha Thunberg për The Times, përpara se të përgjigjej: “Unë jam vetëm njeri, shoh pamjet nga Gaza, dëgjoj raportet dhe ndiej se duhet të bëj diçka, çfarëdo që të jetë,” tha Thunberg.
“Nuk mund të jesh aktivist për drejtësinë klimatike nëse i injoron të gjithë njerëzit e margjinalizuar sot dhe vuajtjet e tyre,” tha ajo. “Dhe kriza klimatike, gjenocidi në Palestinë dhe krizat e tjera humanitare në të gjithë botën janë rezultatet e sistemeve që sakrifikojnë shumicën dërrmuese të njerëzve dhe… planetin vetëm për një pakicë shumë me fat që mund të nxjerrë fitim dhe të përfitojë nga ai shfrytëzim dhe të ruajë fuqinë e tyre gjeopolitike me çdo kusht. Pra, shoh shumë paralele. Ajo që po ndodh në Palestinë nuk është vetëm gjenocid, dhe është ekocid.”
Thunberg mohoi shpejt çdo qëllim antisemit, duke pretenduar se ajo dënon antisemitizmin.
“Çdo ditë që kur mbusha 15 vjeçe, jam kritikuar nga çdo këndvështrim i mundshëm, pavarësisht se çfarë bëj. Nëse nuk gjejnë asgjë, shpikin diçka, si akuza për antisemitizëm“, tha ajo, duke shtuar: “Ne themi se askush nuk duhet të vlerësohet më shumë ose më pak se kushdo tjetër për shkak të origjinës së tij. Dhe kjo vlen për gjithçka, përfshirë kauzën palestineze”.
Dymbëdhjetë aktivistët në bord përfaqësojnë një mision humanitar, por përveç Thunberg, grupi përfshin edhe Rima Hassan, një anëtare franko-palestineze e Parlamentit Evropian të cilës i ndalohet hyrja në Izrael, Omar Faiad, një gazetar për Al Jazeera, Yasemin Acar, Thiago Avila dhe të madhin Liam Cunningham.
Reva Viard, një nga aktivistet franceze në bord, i tha The Times: “Sa më shumë kohë kalon, aq më shumë i afrohemi pikës së tensionit – por sa më shumë kohë kalon, aq më shumë po mobilizohet komuniteti ndërkombëtar. Pra, të gjithë jemi të qetë në bord dhe shpresa po rritet ndërsa ecim përpara. Pra, mundësia që ushtria izraelite të sulmojë ose të hipë në Madleen është qartësisht aty… por ka anije të tjera që kanë arritur në Palestinë. Pra, ne po mbështetemi në këtë skenar më shumë se në çdo tjetër.” /tesheshi.com/
