Karikaturisti Bujar Kapexhiu tha nga podiumi i ngritur në tubimi se të gjithë shqiptarët duhet të ngrihen kundër atyre që tentojnë të prekin shkelin për interesa të ngushta personale.
‘Mallkuar qofshin ato që shpikën shuplakat dhe të gjithë se bashku të mbrojmë Kushtetutën. Mos u gënjeni nga politika që është e mbushur me pinokë gënjeshtarë dhe hundëgjatë. Nuk ka rëndësi se kush e ngriti këtë podium sot Meta, më parë kanë qenë Rama e Berisha, por ajo që ne dalim për të mbrojtur, Kushtetutën.’
“Të nderuar motra dhe vëllezer, bashkëatdhetarë, jemi mbledhur sot këtu për 2 vendime, 2 ide, 2 detyra.
Dua të them që sdo jem kurrë pjesë e një partie, ndaj sot nuk ka rëndësi nëse je demokrat,. socialist zogist apo ballist. Pikërisht në ato çaste vetëm për të mirën e Shqipërisë, të atdheut tonë.
Sot, jam me të gjithë dhe kundra të gjithëve.
Jam kundër atyre që tentojnë ta prekin, shkelin, apo falsifikojnë ligjin themeltar për interesa të ngushta personale të një personi apo një grushti personash.
Ne morëm më të keqen dhe diktaturës dhe nxorëm më të keqen e demokracisë.
Pse themi që kemi ngrënë 1 milion shuplaka e pse nuk themi keni marrë 1 milion puthje për fituesit.
Mallkuar kush shpiku shuplakat!
U bëj thirrje patriotëve dhe intelektualëve të mbrojmë atë që është e vërtetë e drejtë, të mbrojmë kushtetutën. të gjithë ata që jemi këtu e jashtë kufinjve jetojmë e marrim frymë për këtrë vend.
Jemi vend demokratik me demokraci me gungë e çalamane, jemi vend i varfër i rrënuar dhe i sfilitur çdo ditë drejt boshllëkut dhe në çdo fushatë gënjehemi.
Ky vend është mbushur me pinpkë e gënjështarë, ndaj ju bëj thirrje mos u gënjeni. e vëretat mbrohet vetëm nga gjoksi juaj, shpirti juaj po të jetë nevoja dhe nga grushti juaj.
Të gjithë së bashku të veprojmë me të vërtetën, dhe kushtetutën.
Politikanë të të gjithë ngjyrhave, të gjatë apo të shkurtër, injorantë e bastardë hajdutë e kriminelë, të tërhiqen ndryshe do të përballen me zemërimin e sovranit, të na lënë të lirë e të jetojmë në këtë vend ku lindëm e duam të vdesim.
Në këtë podium sot është ilir meta, dikur ishte sali berisha, Edi Rama, Lulzim Basha pikërisht për këtë arsye për të mbrojtur demokracinë.
Po ç’rëndësi ka, unë kam një ëndërr. Kam një ëndërr për një vend kur shqiptarët nuk i japin një shuplakë njëri- tjetrit.
Sa bukur do të ishte sikur sot kur të kthehemi në shtëpi të bëjmë një premtim në heshtje: Unë nuk do të godas, unë nuk do të godas, unë nuk do të godas.
Po le të mblidhemi të gjithë se bashku kështu siç jemi për veten, për fëmijët tanë, për Kushtetutën, për Shqipërinë”, tha Kapexhiu nën mijëra thirrje.