Ish-presidenti i SHBA, Bill Clinton pritet të mbërrijë vetëm disa orë më vonë në Tiranë, ku kanë nisur përgatitjet e ceremonisë për të mirëpritur këtë të fundit.
Ish-presidenti Clinton do të mbërrijë në aeroportin e Rinasi këtë të hënë, ku në zonë ka arritur dhe kryeministri Edi Rama i cili do ta mirëpresë fillimisht këtë të fundit, ndërsa Tirana është veshur me ngjyrat e flamurit amerikan.
Rrugët kryesore ku do të kalojë dhe eskorta që do të shoqërojë Klintonin janë zbukuruar me flamujt e Shteteve të Bashkuara të Amerikës, të cilat nesër festojnë dhe Ditën e Pavarësisë.
Ndërsa bëhet me dije se Bashkia e Tiranës do të organizojë dhe një koncert në orën 20:00, në titulluar “American Night” tek Amfiteatri në Parkun e Madh të Liqenit Artificial , ku pjesëmarrës do të jenë disa prej artistëve më të mirë, si: Eneda Tarifa, Ardita Meni (soprano), Gerald Murrja (tenor), Erlind Zeraliu (tenor). Pjesë e këtij koncerti do të jetë edhe Moza Bekteshi Dance Academy.