Një ngjarje e rëndë është regjistruar sot në zonën e Astirit në kryeqytet, ku një shtetas rreth 29 vjeç është gjetur pa shenja jete brenda automjetit të tij.
Identifikohet i riu 29 vjeç nga uniformat blu, Enea Dine.
Sipas informacioneve paraprake nga policia, trupi i pajetë i të riut, identifikuar si E. D., është konstatuar nga familjarët në parkimin e pallatit ku ai banonte. Në vendngjarje kanë mbërritur menjëherë shërbimet e Policisë dhe grupi hetimor.
Nga këqyrja e parë e trupit dhe mjetit nuk janë konstatuar shenja dhune, ndërsa vijojnë hetimet për të përcaktuar rrethanat dhe shkakun e saktë të humbjes së jetës.
Autoritetet bëjnë me dije se do të priten rezultatet e ekspertizës mjeko-ligjore për të hedhur dritë mbi këtë ngjarje.
Hetimet janë në vijim.