Një 39-vjeçar, menaxher i një lokali në rrugën “Prokop Mima”, në Komunën e Parisit është proceduar në gjendje të lirë nga policia.
Në lokalin që ai menaxhonte, efektivët e policisë kanë konstatuar muzikë të lartë që përbente shqetësim për banorët.
Menaxheri i cili lejonte muzikën e lartë, po ashtu ka kundërshtuar edhe forcat e policisë për shkak të detyrës.
Njoftimi i policisë:
Tiranë
Prishi qetësinë publike, duke vënë muzikë të lartë në lokalin që menaxhon, si dhe kundërshtoi për shkak të detyrës, punonjësit e Policisë, procedohet penalisht 39-vjeçari.
Sekuestrohen pajisjet që gjenerojnë muzikën.
Shërbimet e Komisariatit të Policisë Nr. 2 në vijim të kontrolleve për zbatimin e ligjit, si dhe parandalimin e ndotjes akustike, kanë intensifikuar kontrollet, me qëllim zgjidhjen e shqetësimeve të banorëve, nga muzika e lartë në lokale.
Gjatë kontrolleve, në një lokal në rrugën “Prokop Mima”, në Komunën e Parisit, shërbimet e Policisë kanë konstatuar muzikë të lartë që përbënte shqetësim për banorët.
Në vijim të veprimeve, specialistët për Hetimin e Krimeve të Komisariatit të Policisë Nr. 2, referuan materialet në Prokurori ku nisi procedimi në gjendje të lirë, për menaxherin e lokalit, shtetasin , 39 vjeç, për veprat penale “Prishja e qetësisë publike” dhe “Kundërshtimi i punonjësit të Policisë së rendit publik”.
39-vjeçari ka prishur qetësinë publike duke lejuar muzikë të lartë në lokalin që menaxhon, si dhe ka kundërshtuar për shkak të detyrës punonjësit e Policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
