Një sulm i dyfishtë nga një person i armatosur në dy ferma në një distancë të shkurtër nga njëra-tjetra dje të hënën pranë San Franciskos, Kaliforni, rezultoi në humbjen e shtatë jetëve, sipas të dhënave të fundit të raportuara nga mediat amerikane, përfshirë CBS News.
Sulmuesi i dyshuar është arrestuar, tha në Twitter sherifi i San Mateo County, pranë San Franciskos.
“I dyshuari është arrestuar. Nuk ka më asnjë rrezik për publikun në këtë moment”, thuhet në postimin e sherifit
I was here at the parking lot of the San Mateo County Sheriffs Office substation when they arrested the shooting suspect Zhao Chunli. Deputies say the suspected gun used was in the SUV with him. #HalfMoonBayshooting pic.twitter.com/tuK1Wsl6GG
— Sara Stinson (@SaraStinsonNews) January 24, 2023
Sulmuesi i dyshuar, një 67-vjeçar, banues në komunitet, u arrestua rreth dy orë pas të shtënave. Ai ishte në makinën e tij në parkingun e një stacioni policie në Gjirin e Half Moon. Sulmuesi u identifikua si Zhao Chunli.
Në makinën e tij është gjetur edhe arma që besohet se është përdorur në këtë incident.
Fillimisht autoritetet njoftuan se ka 4 të vdekur dhe 3 të plagosur rëndë. Pak më vonë, mediat amerikane raportuan se të vdekurit janë 6, ku 4 prej tyre janë punëtorë fermash kineze.
Një motiv për të shtënat mbetet i panjohur, thanë zyrtarët e sherifit në një deklaratë.
Oficerët iu përgjigjën skenës së të shtënave me “viktima të shumta”, tha zyra e sherifit.
Më herët në një shtet tjetër amerikan, pikërisht në Iowa, dy persona u vranë dhe një i tretë u plagos rëndë nga të shtënat me armë brenda një organizate joqeveritare që ndihmon të rinjtë në Des Moines.
Duke iu përgjigjur thirrjes për veprim të menjëhershëm, oficerët e zbatimit të ligjit që iu përgjigjën Starts Right Here, një OJQ që punon me sistemin arsimor publik për të ndihmuar të rinjtë me probleme ose në rrezik, gjetën tre persona me plagë nga armë zjarri, dy prej tyre të cilët ishin “në gjendje shumë e rëndë”.
“Këta dy persona, dy studentë, janë të vdekur (…). Personi i tretë, i cili punon për organizatën, është në gjendje të rëndë”, shpjegoi për shtypin Paul Parizek, zëdhënës i policisë në Des Moines.
Bazuar në rrëfimet e dëshmitarëve okularë, policia ndaloi një makinë dhe arrestoi “tre të dyshuar të mundshëm”.
Vdekjet pasojnë masakrën e së shtunës mbrëma në Kaliforni që la 11 të vdekur kur një 70-vjeçar aziatik sulmoi një sallë vallëzimi mes festimeve të Vitit të Ri Hënor.
