Ashtu, si pritej dje FK Tomori ka marrë një vendim drastik për të braktisur kampionatin e Kategorisë së Parë pas vendimeve të marra nga Komisioni i Disiplinës një ditë më parë. Në deklaratën e bërë nga përfaqësuesi i klubit, Alban Pambuku, skuadra nuk e pranon vendimin e dhënë duke u shprehur se do ta apeloj këtë vendim.
Por klubi beratas nuk ndalet këtu duke e quajtur të kurdisur të gjithë këtë situatë dhe do të ngrejë padi ndaj Komisionit të Disiplinës pranë FSHF-së, delegatit të ndeshjes Petrit Haxhija dhe gjyqtarit Elidon Halo për dëm moral dhe financiar ndaj Tomorit dhe qytetit të Beratit.
Por më i rëndësishëm ishte vendimi për braktisje të kampionatit duke nisur bojkotin nga sfida e radhës me Bylisin.
Pambuku në këtë deklaratë ka shprehur se gjyqtari Halo ka qënë i papëlqyer në Berat dhe ishte shpallur ‘’non grata’’ që nga ndeshja e sezonit të shkuar kundra Bylis./Berati.TV
