Edhe në mbyllje të kësaj jave përgatitore Tomori ka hedhur të tjera firma të rëndësishme për sezonin e ri. Me synimin e Superiores edhe lëvizjet po bëhen ngadalë dhe të studiuara.
Në dy ditë kanë ardhur edhe katër zyrtarizime nga të cilat tre janë futbollist që kanë luajtur në Berat edhe sezonin e shkuar ndërsa vetëm njëri është afrim i ri.
Genald Sharavolli ishte konfirmimi i parë, një futbollist i rëndësishëm në krahët e mesfushës dhe ka qënë një element i rëndësishëm për skuadrën beratase dhe shpesh ia ka dalë të zgjidh edhe ndeshjet.
Endri Mersini ka vendosur të vazhdoj edhe një vit në Berat kur gjatë vitit të shkuar ishte një ‘’xholi’’ i vërtetë për trajnerët e Tomorit duke mbuluar disa pozicione në mbrojtje dhe mesfushë.
Ndërsa gjatë ditës së sotme kanë ardhur edhe dy firma të tjera ajo e mbrojtësit Paja, i cili edhe këtë sezon do të mbuloj krahun e majtë të mbrojtjes. Po ashtu, firmosi edhe një prurje e re, braziliani me pashaportë italiane Andre Marchiori de Oliveira. De Oliveira luan, si mbrojtës dhe shihet si një alternativë e rëndësishme në qendër dhe në krah të mbrojtjes./Berat.TV
