Pikërisht në ditën e fundit të vitit 2018, Tomori ka përzgjedhur teknikun beratas, Santiliano Dule, si trajnerin e ri të Tomorit. Pas largimit të Devollit, Dule bëhet trajneri i tretë që do të drejtoj Tomorin në këtë sezon.
Pas largimit të Devollit ishin përfolur disa kandidatura por duket se pikërisht Dule ishte zgjedhja e parë e klubit dhe pas një bisede që ai bëri dje me drejtuesit e klubit sot erdhi edhe firma me kryetarin e bashkisë. Skuadra pritet të grumbullohet më datë 5 janar dhe nga aty do të nis përgatitjen për pjesën e mbetur të sezonit ku objektivi parësor do të jetë sigurimi i pesëshes së parë në grupin B të Kategorisë së Parë.
Ky do të jetë një rikthim për trajnerin Dule në stolin e Tomorit pasi e drejtoj këtë skuadër edhe në fazën e parë të sezonit të shkuar. Ndërsa më pas u rikthye sërish në klub, si trajner i Tomori U17 ku u bë personazh këtë vit në dy raste. Së pari, ishte ai sherr masiv që përfshiu atë, skuadrën e tij por edhe tifoz beratas në ndeshjen ndaj Apolonisë për të cilën u pezullua me 8 ndeshje. Por dhe falsifikimet e futbollistëve të skuadrës së tij për të cilat u penalizua edhe klubi Tomorit.
Njoftimin zyrtar e ka dhënë vet klubi në faqen e vet zyrtare ku ka marrë edhe prononcimin e trajnerit të ri të skuadrës:
🎙 Santiliano Dule në një prononcim ekskluziv për “FK Tomori Albania”
“Ndihem i lumtur që më është besuar pikërisht mua drejtimi i skuadrës në një situatë jo fortë të mirë rezultatesh. Jam njohur nga afër me planin e klubit dhe nuk kam hezituar aspak për të pranuar një ofertë të tillë. Tomori për mua është si dashuria e një nëne për femijën e vetë, duke dëshiruar që ta shikoj atë gjithnjë sa më mirë dhe të bëhet një shëmbull për t’u ndjekur. E njoh 50% e skuadrës, ku duhet të them që ka emra të mëdhenj, si Çaço, Sharavolli, Paja, Kaloshi, Mersini dhe Koleci, të cilët i kam pasur nën urdhërat e mia në sezonin 2017-2018. Gjithashtu, ndihem i lumtur që do të kem në dispozicion futbollist si: Mujkiç, Beci, Friday, Dyca, Kingsley e Gjonaj, për të cilët mund të kenë ‘zili’ shumë klube të Kategorisë së Parë. Dëmtimet dhe penalizimet i ka bërë ata që mos të tregojnë 100% e tyre. Me shumë besim e them se do të minimizojmë dy problemet kyçe të mësipërmë. Krahas kësaj skuadra ndodhet në një pesimizëm që e ka mbërthyer prej disa javësh dhe kjo nuk i shërbenë askujt.
Merkato? Më duhen 3-4 prurje për të rritur nivelin dhe konkurrencën brënda grupit.
Kalendarin e kemi ne favorin tonë, por jo pikët. Besoj se do t’i fitojmë të tre ndeshjet dhe më pas do të jetë ecuria e kundërshatrëve që do të vendos fatin tonë.
Gjej rastin t’u uroj Vitit të Ri të gjithë tifozëve të skuadrës, stafin teknik, futbollistët dhe presidentit e klubit Petrit Sinaj. Shpresojmë që ky vit të jetë sa më pozitiv dhe të shmangim gabimet që kanë penalizuar këtë skuadër gjatë kësaj periudhe”.