Një irlandez u dënua me 4 vite burg, sepse u shpall fajtor për trafikimin e emigrantëve në Britaninë e Madhe.
Dënimi u dha nga një gjykatë belge. Richard Woods është me profesion shofer kamioni në County Louth, por duket se kryente edhe një aktivitet të paligjshëm.
I dënuari, 32 vjeç, u arrestua në tetor, pasi 17 shqiptarë u gjetën në kamionin e tij të fshehur, teksa donin të shkonin drejt Britanisë.
Fillimisht ai u la i lirë pa akuza, por telefoni i tij u përgjua në Francë dhe më vonë, në bazë të një urdhër arresti ndërkombëtar, irlandezi u arrestua nga autoritetet.
Drejtuesi i kamionit ka qenë edhe më herët i burgosur, dhe ka pasur mbi të edhe një gjobë për të paguar prej 136 mijë euro.
