Një burrë nga Irlanda u dënua me 4 vjet heqje lirie nga një gjykatë belge, pas hetimeve të zhvilluara kundër tij, si pjesëmarrës në trafik të emigrantëve për në Britaninë e Madhe.

Richard Woods u burgos javën e kaluar për katër vjet. Ai është me profesion shofer kamioni në County Louth, raportojnë mediat britanike.

Irlandezi 32 vjec u arrestua në tetor, pasi 17 shqiptarë u gjetën në kamionin e tij të fshehur, teksa donin të shkonin drejt Britanisë.

Fillimisht ai u la i lirë pa akuza, por telefoni i tij u përgjua në Francë dhe më vonë, në bazë të një urdhër arresti ndërkombëtar, irlandezi u arrestua nga autoritetet.

Mendohet se drejtuesi i kamionit edhe më herët ka qenë i burgosur, ndërsa ka pasur mbi të edhe një gjobë për të paguar prej 136 mijë euro.

Subscribe kanalin tonë në Youtube për të mos humbur asnjë video të re