Një ngjarje e rëndë është regjistruar ditën e sotme në Greqi, në zonën e Krya Vrysi, Kalambaka, ku vëlla dhe motër janë gjetur të pajetë në banesën e tyre.
Sipas mediave lokale, viktimat janë një burrë rreth 73 vjeç dhe një grua 65 vjeç.
Hetimet paraprake po përqendrohen në mundësinë që vdekjet të jenë shkaktuar nga tymi i një sobe që ata përdornin për ngrohje.
Forcat e policisë mbërritën menjëherë në vendngjarje dhe rrethuan zonën për kryerjen e veprimeve hetimore.
Pritet ekspertiza mjeko-ligjore për të mësuar shkaqet e sakta të vdekjes së dyfishtë.